Ezekiel 48
Leitang Hawmna
1“Hihte a min zui-a kigual behte ahi hi: Leilu-lam pangah Dan in tanh khat tang ding hi. Tua in Hethlon pana Lebo ▼▼48.1 Ahikeh a sungtumna lamah
Hamath zuatna lampi dungdung ahi hi; Hamath zomah Hazar Enan le Damascus leilu-lam gamgi hi-in, tua gam nisuahna-lam khen khat le tua gam nitumna-lam khenkhat mah hi ding hi. b 2 “Asher in tanh khat tang ding hi; tua pen nisuahna-lam pan nitumna-lam dongin Dan tawh kigizawng ding hi. 3 “Naphtali in tanh khat tang ding hi; tua pen nisuahna-lam pan nitumna-lam dongin Asher tawh kigizawng ding hi. 4 “Manasseh in tanh khat tang ding hi; tua pen nisuahna-lam pan nitumna-lam dongin Naphtali tawh kigizawng ding hi. 5 “Ephraim in tanh khat tang ding hi; tua pen nisuahna-lam pan nitumna-lam dongin Manasseh-te tawh kigizawng ding hi. 6 Reuben beh in tanh khat tang ding hi; tua pen nisuahna-lam pan nitumna-lam dongin Ephraim tawh kigizawng hi ding hi. 7 “Judah in tanh khat tang ding hi; tua pen nisuahna-lam pan nitumna dongin Reuben tawh kigizawng ding hi. 8 “Judah tanhna gamgi panin nisuahna-lam pan nitumna-lam donga tanh khat pen a tuam mahmah letsong piak ahi hi. Tua pen a vai tong ▼▼48.8 Tua in tai 7 bang (kilometer 12 bang)
25,000 hi dinga, adung pen nisuahna-lam pan nitumna-lam dong beh khat tanh tawh kikim ding hi; a laizangah munsiangtho om ding hi. 9 “A tuam mahmah a TOPA na piak ding uh tanh khat pen adung tong ▼▼48.9 Tua in tai 3 bang (kilometer 5 bang)
25,000, avai tong 10,000 pha ding hi. 10Hih in a siangtho siampite tanh ding ahi hi. Tua in leilu-lam pang adung tong 25,000 pha dinga, nitumna-lam pang avai tong 10,000 pha dinga nisuahna-lam pang avai tong 10,000 mah pha in leitaw-lam pangah adung tong 25,000 pha ding hi. Tua mun laizang takah TOPA munsiangtho a om ding hi. 11Hih munin Israel-te a manthan hun lai-a gammang Levi-te banga a mang lo muanhuai-a ka na a sem Zadok mite - a kisiansuah siampite ading ahi hi. 12Tua in a siangtho leitang tanh khat tang, a siangthopen tanh khat tang a tuam mahmah a kipia tuam hi dinga Levi-te tawh kigizawng ding hi. e 13 “Siampite aa tawh kigizawngin Levi-te in mun-awng khat nei ding uh a, adung tong 25,000, avai tong 10,000 pha ding hi. Adung vekpi sauna tong 25,000 pha in, a zaina tong 10,000 pha ding hi. 14Amaute in zuak loin na khatpeuh tawh zong a khek peuhmah kei ding uh hi. Hih mun a hoih pen leitang hi-a, TOPA tungah a siangtho-a kipia ahi manin kuama khut tungah a piasawn thei peuhmah kei ding uh hi. f 15 “A om lai a vai tong 5,000 pha a, a dung tong 25,000 a pha pen inn lam nading le gankhawk ding - khuapi ai dingin kizang ding hi. Khuapi a laizangah om dinga 16hih-a kilak cia huang a nei ding hi. Leilu- lam pang tong 4,500, leitaw-lam pang tong 4,500 nisuahna-lam pang tong 4,500. nitumna-lam pang tong 4,500 pha kim ding hi. 17Khuapi gankhawk ding leilu lamah tong 250, leitaw lamah tong 250, nisuahna lamah tong 250, nitumna lamah tong 250 hi ding hi. 18A awng lai mun teng a siangtho tanh tawh kigizawngin a sauna tantan nisuahna- lam pang zong tong 10,000 mah pha ding hi. Tua sunga piang peuhmah khuapi sunga nasemte kivakna an hi ding hi. 19Tua khuapi sunga nasem lokho peuhmah Israel behte pan hi ding hi. 20Hih a kisehtuam leitang buppi a ningkimin tong 25,000 pha ding hi. Khuapi neihsa tawh a siangtho tanh khat tuam koihin a tuam mahmah in na piakhia ding uh hi. g 21 “Khuapi huam sung le a siangtho tanh khat na sehkhiat khit uh ciangin a om lai a pangtuaka mun-awng teng gam-ukpa ading ahi hi. Tua mun pen nisuahna-lam manawhin a siangtho tanh banah gamgi dong tong 25,000 hi dinga, nitumna-lam manawhin nitumna-lam pang gamgi dong tong 25,000 hi ding hi. Hih a langnih tuaka mun-awngte gel minam neute tanh ciacia gam-ukpa ading hi-a, a siangtho tanh le biakinnpi munsiangtho, tuate laizangah a om ding hi. 22Tua bangin Levi-te neihsa le khuapi neihsa, gam-ukpa tanh mun-awngte kikal laizangah a om ding hi. Tua gam-ukpa tanh mun pen Judah gamgi le Benjamin gamgi kikalah a om ding hi. h 23 “A omlai behte ading; Benjamin in tanh khat tang ding hi; tua pen nisuahna-lam pan nitumna-lam manawh in kikhung ding hi. i 24 “Simeon in tanh khat tang ding hi; tua pen nisuahna-lam pan nitumna- lam ah Benjamin tawh kigizawng ding hi. 25 “Issachar in tanh khat tang ding hi; tua pen nisuahna-lam pan nitumna lamah Simeon tawh kigizawng ding hi. 26 “Zebulun in tanh khat tang ding hi; tua pen nisuahna-lam pan nitumna lamah Issachar tawh kigizawng ding hi. 27 “Gad in tanh khat tang ding hi; tua pen nisuahna-lam pan nitumna lamah Zebulun tawh kigizawng ding hi. 28 Gad-te leitaw-lam gamgi pen Tamar pan leitaw lamah kikhung-sukin Meribah Kadesh tui ciang dong ban dinga, tua ciangin Egypt Wadi zui-in Tuipi Lian ▼▼48.28 Tua in Mediterranean
dong hi ding hi. k 29 “Hih in Israel behte in a luah den dingun a kipia leitang hi-a, amaute tanh ding ahi hi, kong ci hi, “Thupipen TOPA in cikhia hi. l Khuapi Kongpite
30 “Khuapi pana pusuahna hih bang ahi hi: Leilu-lam pang pan kipanin tong 4,500 sau-a, 31a kongpite min Israel behte min kitamsak ding hi. Leilu-lam panga kongpi thumte Reuben kongpi, Judah kongpi le Levi kongpi hi ding hi. m 32 “Nisuahna-lam pang tong 4,500 sau-in, kongpi thum om dinga: Joseph kongpi, Benjamin kongpi le Dan kongpi hi ding hi. 33 “Leitaw-lam pang tong 4,500 sau-in, kongpi thum om dinga; Simeon kongpi, Issachar kongpi le Zebulun kongpi hi ding hi. 34 “Nitumna-lam pang tong 4,500 sau-in, kongpi thum om dinga; Gad kongpi, Asher kongpi le Naphtali kongpi hi ding hi. n 35 “A kimkot khempeuh a gamlatna tong 18,000 a pha hi. “Tuateh tua huna kipan khuapi min: TUA LAI-AH TOPA OM HI kici ding hi,” hong ci hi. o
Copyright information for
ZomZIV